სოციალური სამართლიანობის ცენტრის განცხადება
თბილისი. სოციალური სამართლიანობის ცენტრი შარტავას ქუჩაზე მიმდინარე მშენებლობას ეხმაურება.
„შარტავას ქუჩაზე განახლებული მშენებლობა ქალაქში მიმდინარე განაშენიანების ახალი მასშტაბური ტალღის ნაწილია და ყიფშიძის N1-ში მიმდინარე უკანონო მშენებლობის ანალოგიური მაგალითია. აქაც, როგორც ყიფშიძის ქუჩის შემთხვევაში, ინვესტორი თბილისის მერიას შეჩერებული მშენებლობით დაზარალებული მოსახლეობის განსახლებას აღუთქვამს. სოციალური სამართლიანობის ცენტრი სრულად აცნობიერებს დაუმთავრებელი პროექტებით დაზარალებული მოსახლეობის მდგომარეობას თუმცა, იმისთვის, რომ დაზარალებული მოსახლეობის დაკმაყოფილებას ქალაქში ზიანის და საფრთხისშემცვლელი მშენებლობის ახალი ტალღა არ მოჰყვეს, მნიშვნელოვანია, რომ შეჩერებული მშენებლობების განახლება კანონის დაცვით და საჯარო ინტერესის გათვალისწინებით განხორციელდეს“, - აღნიშნულია განცხადებაში.
წყარო: ორგანიზაციის ვებგვერდი
