თბილისი. ქალთა არასამთავრობო ორგანიზაციებმა გამოხატეს შეშფოთება აბორტების აკრძალვასთან დაკავშირებით გამართული დისკუსიის გამო და პეტიცია გაავრცელეს. ისინი მიმართავენ გენდერული თანასწორობის საბჭოს, პრემიერ მინისტრის თანაშემწეს ადამიანის უფლებებისა და გენდერული თანასწორობის საკითხში, იუსტიციის მინისტრს, შრომის, ჯანმრთელობისა და სოციალური დაცვის მინისტრს, პარლამენტის წევრებსა და გადაწყვეტილების მიმღებ სხვა პირებს განსაკუთრებული ყურადღება მიაქციონ ამ თემას და მოახდინონ რეაგირება აღნიშნულ დისკუსიასთან დაკავშირებით.

ისინი მიიჩნევენ, რომ „ინიციატივამ არაერთგვაროვანი დამოკიდებულება გამოიწვია საზოგადოებაში. მიგვაჩნია, რომ პარლამენტარები, პოლიტიკოსები მეტი პასუხისმგებლობით უნდა მოეკიდონ მსგავს საკითხებს. დაუშვებელია აბორტის თემის იზოლირებულად, ქვეყანაში არსებული ჯანდაცვისა და სოციალური პოლიტიკის, სოციო–ეკონომიკური ფაქტორების გაუთვალისწინებლად განხილვა".

სრულად

წყარო: ginsc.net