თბილისი. 8 მაისს საქართველოს წითელი ჯვრის საზოგადოება წითელი ჯვრისა და წითელი ნახევარმთავარის საერთაშორისო მოძრაობის დღეს აღნიშნავს, რომელსაც წელს 150 წელი შეუსრულდა. ამ თარიღთან დაკავშირებით, საქართველოს წითელი ჯვრის საზოგადოება ყოველწლიურად აწყობს „წითელი ჯვრის კვირეულს" (8-15 მაისი), რომელიც სხვადასხვა ღონისძიებებით არის დატვირთული. 8 მაისს საქართველოს პარლამენტის ეროვნულ ბიბლიოთეკაში „წითელი ჯვრის კვირეული" ოფიციალურად გაიხსნა გამოფენით, სადაც წარმოდგენილი იყო სკოლის მოსწავლეების მიერ წითელი ჯვრის თემატიკაზე შესრულებული ნახატები.

წყარო: წითელი ჯვრის გვერდი სოციალურ ქსელში