გზამკვლევი: მლხენელების საკითხავი
თბილისი. ქალთა ფონდმა სტრატეგიული გზამკვლევი „მლხენელების საკითხავი“ მოამზადა.
„იგი საგანგებოდ მომზადდა სოციალური სამართლიანობის მოძრაობებისთვის, ადამიანის უფლებების დამცველებისთვის, ქალთა და ქვიარ საკითხების ადვოკატებისთვის, პრაქტიკოსი მლხენელებისთვის და ფემინისტი აქტივისტებისთვის - ყველასთვის, ვინც სოციალური ტრანსფორმაციისთვის იბრძვის.
სიტყვა “მლხენელი” ალბათ უცხოა მკითხველთა უმრავლესობისთვის, თუმცა ეს ცნება ახალი არ არის. სულხან-საბას განმარტებით, “სნეულთ მლხენელი” მკურნალს აღნიშნავს, სიტყვა “ლხენა” კი ახსნილია, როგორც ჭირისაგან ხსნა, მორჩენა და შველა (ორბელიანი, 1991, გვ. 425, 491). საკითხავის ავტორებმა არჩევანი ამ ტერმინზე გავაკეთეთ და არა სიტყვაზე “მკურნალი”, რომელიც უფრო მეტად მედიცინის და ზრუნვის დასავლურ და ინსტიტუციურ პრაქტიკებთან ასოცირდება“.
წყარო: womenfundgeorgia.org
