წყალტუბოში პირველი არტიზანული საცხობი გაიხსნა
იმერეთი. წყალტუბოს განვითარების ჯგუფის ინფორმაციით, ქალაქ წყალტუბოში პირველი არტიზანული საცხობი გაიხსნა.
„ტრადიციული ქართული ხორბლისაგან დამზადებული პურითა და ფუნთუშეულით, გემრიელი ყავითა და ჩაით სალომე ჩხეიძე ამიერიდან „ჩელტაში“ მისამართზე - 9 აპრილის ქ. 13ბ, გაგიმასპინძლდებათ.
პროექტი მხარდაჭერილია ევროკავშირისა და ჩეხეთის განვითარების სააგენტოს მიერ, LAG წყალტუბოს საგრანტო კონკურსის მეორე რაუნდის ფარგლებში“, ნათქვამია ორგანიზაციის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
