სოც. მუშაკთა ასოციაცია: იმედია, სანატორიუმ „ქართლში“ მაცხოვრებლების მოთხოვნები მალე დაკმაყოფილდება
თბილისი. საქართველოს სოციალურ მუშაკთა ასოციაცია თანადგომას უცხადებს კოლეგას, თამარ საუთიევას, რომელიც სანატორიუმ „ქართლის“ მაცხოვრებელია.
„სოციალური მუშაკებისთვის კარგად ცნობილია, თუ რა პრობლემების და რთული მდგომარეობის წინაშე დგანან იძულებით გადაადგილებული პირები, შეიარაღებული კონფლიქტით დაზარალებული პირები.
დღეს ადამიანები ელემენტარული საჭიროების, უსაფრთხო გარემოს, საცხოვრებლის უსაფრთხოებისთვის იბრძვიან. აქვე გვინდა მივუსამძიმროთ გარდაცვლილი პირის ოჯახის წევრებს.
იმედს ვიტოვებთ, სანატირიუმ „ქართლში“ მაცხოვრებლების მოთხოვნები სულ მალე დაკმაყოფილდება და საშუალება ექნებათ, უსაფრთხო გარემოში განაგრძონ ცხოვრება“.
წყარო: ასოციაციის გვერდი სოციალურ ქსელში
