საქართველოს მთავრობა UNICEF-ის მხარდაჭერით, ერთჯერად ფინანსურ დახმარებას გაუწევს უკრაინიდან დევნილ ბავშვებს
თბილისი. საქართველოს მთავრობა გაეროს ბავშვთა ფონდის მხარდაჭერით მოწყვლადი უკრაინელი ბავშვიანი ოჯახებისთვის ერთჯერად ფინანსურ დახმარებას გასცემს. ფულად დახმარებას სულ 3000-ზე მეტი უკრაინელი ბავშვი მიიღებს.
ორგანიზაციის ცნობით, 470 ლარს თითოელ ბავშვზე მიიღებენ ის ოჯახები, რომლებიც საქართველოში 2022 წლის 1 თებერვლის შემდეგ შემოვიდნენ. ფინანსური დახმარების მისაღებად უკრაინელი ბავშვების კანონიერმა წარმომადგენლებმა განაცხადით უნდა მიმართონ სოციალური მომსახურების სააგენტოს ტერიტორიულ და სამხარეო ოფისებს.
წყარო: www.unicef.org
