რონდელის ფონდში პოლიტიკური პარტიების სკოლა დაიწყო
თბილისი. 17 თებერვალს საქართველოს სტრატეგიისა და საერთაშორისო კვლევების ფონდში (რონდელის ფონდი), ევროკავშირის მიერ დაფინანსებული პროექტის „თავისუფალი და სამართლიანი საარჩევნო პროცესების ხელშეწყობა საქართველოში“ ფარგლებში, პოლიტიკური პარტიების ახალგაზრდა წევრებისთვის დაიწყო პოლიტიკური პარტიების სკოლა.
სკოლაში მონაწილეობას იღებს როგორც საპარლამენტო, ისე არასაპარლამენტო 14 პოლიტიკური პარტიის 28 ახალგაზრდა წარმომადგენელი.
3-თვიანი კურსის განმავლობაში ჯგუფს ჩაუტარდება სალექციო კურსები სხვადასხვა თემაზე. პოლიტიკური პარტიების სკოლის უპირველესი მიზანია მათი ახალგაზრდა წევრების შესაძლებლობების გაძლიერება, რათა უფრო აქტიურად შეძლონ საკუთარი პარტიების პოლიტიკის შემუშავების პროცესში ჩართვა.
წყარო: საქართველოს სტრატეგიისა და საერთაშორისო კვლევების ფონდი
