სსო–ების ერთობლივი ინფორმაცია
თბილისი. არასამთავრობო ორგანიზაციები ერთობლივ ინფორმაციას აქვეყნებენ – „ხელისუფლება კლანის წევრების კეთილსინდისიერების შემოწმებაზე უარით ევროინტეგრაციის პროცესს აფერხებს“.
ხელმომწერი ორგანიზაციების თანახმად „ევროკომისიის მოთხოვნით, კეთილსინდისიერების შემოწმების დროებითი მექანიზმი უნდა შეეხოს იუსტიციის უმაღლესი საბჭოს წევრებს, უზენაესი სასამართლოს მოსამართლეებს, სასამართლოს თავმჯდომარეებსა და ამ პოზიციებზე დასანიშნ კანდიდატებს. ეს დათქმა ხელისუფლებისთვის მიუღებელია, მათთან ერთად კი ამ იდეას სწორედ ის მოსამართლეები დაუპირისპირდნენ, რომელთა კეთილსინდისიერების მიმართაც საზოგადოებაში ბევრი კითხვა არსებობს. მიგვაჩნია, რომ ხელისუფლებამ დროულად უნდა დაიწყოს სწორედ იმ ნაბიჯების გადადგმა, რომელიც ევროკომისიის 9 დათქმითაა გათვალისწინებული“.
წყარო: საერთაშორისო გამჭვირვალობა – საქართველო
