გურია. 18 ივნისს ლიდერთა სკოლის მოსწავლეებმა ურთიერთდაახლოებისა და მეგობრობის მიზნით ახალგაზრდა პედაგოგთა კავშირის ბაზაზე ანასეულის ხანდაზმულთა სახლში მცხოვრებ ხანდაზმულებს შეხვედრა მოუწყვეს. მოზარდებმა მათთვის ითამაშეს სპექტაკლი „თანასწორობა?!" სპექტაკლი ინტერაქტიური სახისაა, მისი თემა კი გენდერული თანასწორობაა. სპექტაკლის ბოლოს გაიმართა დისკუსია სპექტაკლში წარმოჩენილ პრობლემებზე. მაყურებელმა დისკუსიაში აქტიურად მიიღო მონაწილეობა. ხანდაზმულებმა აღნიშნეს, რომ მასში წარმოდგენილი სიტუაციები ნამდვილად ასახავს რეალობას, რომ დღეს სწორედ ქალები არჩენენ ოჯახს და ამისთვის სამუშაოდ უცხოეთში უწევთ წასვლა. გარდა ამისა, ხანდაზმულებმა ერთადერთ შვილად ბიჭის აღიარების პრობლემაზეც ისაუბრეს.