თბილისი. აშშ-ის საელჩოს მხარდაჭერით ადამიანის უფლებების სწავლებისა და მონიტორინგის ცენტრი იწყებს ახალ პროექტს – „უფასო სამართლებრივი დახმარება რელიგიური უმცირესობებისთვის". პროექტი მიზნად ისახავს რელიგიური უმცირესობების მიერ რელიგიის თავისუფლებით სრულყოფილ სარგებლობასთან დაკავშირებულ პრობლემებზე სამართლებრივი მომსახურების განხორციელებას ადმინისტრაციულ, სამოქალაქო და სისხლის სამართლის საკითხებზე. პროექტის დასასრულს მომზადდება საბოლოო ანალიტიკური ანგარიში, სადაც წარმოდგენილი იქნება შეფასება პროექტის მიმდინარეობის პროცესში რელიგიის თავისუფლების შეზღუდვასთან დაკავშირებით გამოვლენილ ძირითად ტენდენციებზე და არსებულ საკანონმდებლო და ინსტიტუციურ ხარვეზებზე.   

წყარო:ორგანიზაციის გვერდი სოციალურ ქსელში