დისკუსია – „შშმ პირთა დისკრიმინაცია და ქართული საკანონმდებლო სივრცე“
თბილისი. 24 ივლისს გაიმართა დისკუსია თემაზე: „შეზღუდული შესაძლებლობის მქონე პირთა დისკრიმინაცია და ქართული საკანონმდებლო სივრცე". დისკუსიის ფოკუსი იყო იუსტიციის სამინისტროს ახალი ინიციატივა, კანონპროექტი დისკრიმინაციის აღმოფხვრის შესახებ და მისი განხილვა შეზღუდული შესაძლებლობის მქონე პირთა უფლებების კონტექსტში. ისაუბრეს შშმ პირების ყოველდღიური ცხოვრებასა და მათ გამოცდილებაზე, განიხილეს კონკრეტული მაგალითები. დისკუსია შედგა ევროკავშირის მხარდაჭერით მიმდინარე პროექტის – „შეზღუდული შესაძლებლობის მქონე პირები ადამიანის უფლებათა დაცვის სფეროში" – ფარგლებში. პროექტს ახორციელებს სამოქალაქო საზოგადოების ორგანიზაციათა კოალიცია საქართველოს უსინათლოთა კავშირის ლიდერობით.
წყარო: სოციალურ მუშაკთა ასოციაციის გვერდი სოციალურ ქსელში
