რეკომენდაციები „საჯარო ინფორმაციის ხელმისაწვდომობის საკანონმდებლო მექანიზმების გაუმჯობესების შესახებ“
თბილისი. 29 აგვისტოს ინფორმაციის თავისუფლების განვითარების ინსტიტუტმა (IDFI) მორიგი საჯარო დისკუსია გამართა. დისკუსიაზე წარმოდგენილ იქნა USAID "G-3" პროგრამის ფარგლებში მიმდინარე კოალიციური პროექტის კონსორციუმის წევრების მიერ მომზადებული რეკომენდაციების პრეზენტაცია: „საჯარო ინფორმაციის ხელმისაწვდომობის საკანონმდებლო მექანიზმების გაუმჯობესების შესახებ." აღნიული რეკომენდაციების პაკეტის შემუშავება ,,ინფორმაციის თავისუფლების განვითარების ინსტიტუტის" (IDFI), ,,ადამიანის უფლებების სწავლებისა და მონიტორინგის ცენტრის" (EMC), ,,საერთაშორისო გამჭვირვალობა საქართველოსა" (TI-G) და დამოუკიდებელი ექსპერტების აქტიური ჩართულობით მიმდინარეობს. რეკომენდაციების შემუშავების მიზანია საქართველოში ინფორმაციის თავისუფლების საკანონმდებლო სტანდარტების სრულყოფა. სარეკომენდაციო პაკეტში განსაზღვრულია სპეციალური საზედამხედველო ორგანოს შექმნა, რომლის ფუნქციებში გაწერილი იქნება როგორც საზედამხედვლო და საჯარიმო უფლებამოსილებები, ისე საგანმანათლებლო მიზნები.
წყარო: www.idfi.ge
