სათემო განვითარების ცენტრმა ნაფარეულში სათემო განათლების ცენტრი დააფუძნა
კახეთი. სათემო განვითარების ცენტრი სოფელ ნაფარეულში სათემო განათლების ცენტრს დააფუძნა, რომელიც სოფლის მაცხოვრებლებს სხვადასხვა ტიპის ტრენინგსა და სასწავლო კურსს შესთავაზებს. განსაკუთრებული ყურადღება სახელობო სწავლებას დაეთმობა. აღნიშნული ცენტრისთვის უკვე გარემონტდა შენობა და მასში სათემო განთვითარების ცენტრის ფილიალის გარდა განთავსდება ნაფარეულის სახელოსნობი. ცენტრის დაფუძნება რამდენიმე დონორის თანადაფინანსების საშუალებით მოხერხდა. ესენია: ორგანიზაცია „პური მსოფლიოს" (BfdW), შვეიცარიის განვითარებისა და თანამშრომლობის სააგენტო (SDC) და dvv international.
