თბილისი. ახალგაზრდული მოძრაობა დავითიანნის ორგანიზებით ანიმაციის საერთაშორისო დღისადმი მიძღვნილი ღონისძიება გაიმართა. დღის აღსანიშნავად თბილისის ზოოპარკში 35–მდე შეზღუდული შესაძლებლობის მქონე ბავშვი შეიკრიბა.  მოეწყო ხატვის კონკურსი, ქართული მულტფილმების ჩვენება. სამხატვრო აკადემიის სტუდენტებმა ქართული ანიმაციური პერსონაჟებით ზოოპარკის ერთ–ერთი კედელი მოხატეს. ღონისძიების მიზანი იყო ქართული მულტფილმებისა და ანიმაციური პერსონაჟების პოპულარიზაცია.