გურია. გურიის ახალგაზრდულ რესურსცენტრში ჯანსაღი ცხოვრების წესის სემინარები პირობით მსჯავრდებულთათვის ტარდება. ოზურგეთსა და ლანჩხუთში 30 პირობით მსჯავრდებული ჩაერთო. სემინის თემატიკა ეხება ალკოჰოლის, თამბაქოს, ნარკოტიკული საშუალებებისა და აზარტული თამაშების მავნე ზეგავლენას. სემინარები ტარდება საქართველოს არასაპატიმრო სასჯელთა აღსრულებისა და პრობაციის ეროვნული სააგენტოს მსჯავრდებულთა საზოგადოებაში ინტეგრაციისა და დანაშაულის პრევენციის მხარდამჭერი პროგრამის ფარგლებში.

წყარო:ორგანიზაციის გვერდი სოციალურ ქსელში