თბილისი. ორგანიზაცია „ახალგაზრდა ადვოკატებმა"  „თავისუფალი ვაჭრობისა და კონკურენციის შესახებ" საქართველოს მთავრობის საკანონმდებლო ინიციატივაზე განცხადება გაავრცელა.  „ცვლილებები და ახალი რეგულაციები ქვეყანაში ანტიმონოპოლიური კანონმდებლობის ევროკავშირის სტანდარტებთან დაახლოებისათვის, მთავრობის სწორი ეკონომიკური პოლიტიკის მიმართულებებზე მიუთითებს. ამასთან, მთავრობის გადაწყვეტილება ვილნიუსის სამიტზე საქართველომ მოახდინოს ევროკავშირთან ასოცირების შეთანხმების პარაფირება და ქვეყანაში განახორციელოს ღრმა და ყოვლისმომცველი თავისუფალი ვაჭრობის სტანდარტების შემოღება, მიუთითებს შესაძლებლობებზე, რა დროსაც, ქართული ბაზარი უნდა გათავისუფლდეს არსებული მონოპოლიებისა და ოლიგიოპოლიებისაგან", ნათქვამია განცხადებაში.

წყარო:ორგანიზაციის გვერდი სოციალურ ქსელში