თბილისი. „საერთაშორისო გამჭვირვალობა - საქართველომ" ახალი კვლევა გამოაქვეყნა. კვლევა - „მთავრობასა და ბიზნესს შორის თანამდებობის პირთა მოძრაობა და ამ პროცესთან დაკავშირებული კორუფციის საფრთხეები" - ეგრეთ წოდებული „მბრუნავი კარის" პროცესს ეძღვნება, რაც მთავრობასა და კერძო სექტორს შორის თანამდებობის პირთა მოძრაობას და ამ პროცესთან დაკავშირებულ კორუფციის საფრთხეებს გულისხმობს. 

„მბრუნავი კარის" საკითხი (ადამიანების მოძრაობა საჯარო და კერძო სექტორებისთანამდებობებს შორის) მზარდი ყურადღების საგანია მთელ მსოფლიოში. ამ თემამ განსაკუთრებული მნიშვნელობა შეიძინა მთავრობისა და ბიზნესის დაახლოების გამო, რაც სახელმწიფო შესყიდვების გზით საჯარო ფუნქციების კერძო სექტორისთვის გადაცემისა და სახელმწიფო ქონების პრივატიზაციის შედეგია", ნათქვამია ორგანიზაციის ვებ-გვერდზე.

წყარო: transparency.ge