თბილისი. „საერთაშორისო გამჭვირვალობა – საქართველომ" საპრეზიდენტო არჩევნებისას ადმინისტრაციული რესურსების გამოყენებაზე საბოლოო ანგარიში გამოაქვეყნა. „ჩვენ მიერ განხორციელებულმა მონიტორინგმა აჩვენა, რომ, 2012 წლის საპარლამენტო არჩევნებთან შედარებით, ამ პერიოდში გაცილებით ნაკლები იყო ადმინისტრაციული რესურსების საარჩევნო მიზნებით გამოყენების შემთხვევები, რაც საარჩევნო გარემოს უფრო მშვიდ და კონკურენტულად წარმოაჩენდა. საბოლოო ანგარიშის მთავარი სიახლე ადგილობრივ თვითმმართველობებში დასაქმებული პირების შვებულებებისა და არჩევნებში ამა თუ იმ ფორმით ჩართული სახელმწიფო ინსტიტუტების მუშაობის შეფასებას უკავშირდება", ნათქვამია ორგანიზაციის ვებ-გვერდზე.

წყარო: transparency.ge