„იდენტობამ“ 2013 წლის უფლებადამცველები დააჯილდოვა
თბილისი. არასამთავრობო ორგანიზაცია „იდენტობამ" ადამიანის ღირსებისა და უფლებების დამცველთა ყოველწლიური ჯილდო წელს პირველად გასცა. გამარჯვებულები ოთხ ნომინაციაში გამოვლინდნენ.
2013 წლის უფლებადამცველი ჟურნალისტის ნომინაციაში გიორგი კიკონიშვილმა გაიმარჯვა, სამოქალაქო საზოგადოების წარმომადგენლებს შორის კი არასამთავრობო ორგანიზაცია GDI-ის წარმომადგენელმა - გიორგი მშვენიერაძემ. სამოქალაქო აქტივისტის ნომინაციაში გამარჯვებული იურისტი თამარ გურჩიანი გახდა. სახელმწიფო მოხელეებს შორის ჯილდო კი საპარლამენტო უმრავლესობის წევრს, დეპუტატ თამარ კორძაიას გადაეცა.
წყარო: ginsc.net
