აჭარა. 23 იანვარს, ბათუმის დემოკრატიული ჩართულობის ცენტრის ორგანიზებით დისკუსია გაიმართა, თემაზე: ,,ქართული საზოგადოება და მისი მოქალაქეობრივი თვითშეგნება". შეხვედრას ესწრებოდნენ საზოგადოებრივი ორგანიზაციების წარმომადგენლები, სტუდენტები, პოლიტიკოსები და ჟურნალისტები. შეხვედრაზე სამოქალაქო საზოგადოების მნიშვნელობაზე, მოქალაქეობრივ თვითშეგნებასა და ვალდებულებებზე ისაუბრეს. მესამე სექტორის წარმომადგენლები თვლიან, რომ მსგავსი ტიპის შეხვედრები ხშირად უნდა იმართებოდეს და საკითხზე ინფორმაცია სტუდენტებს, მოსწავლეებსა და სხვადასხვა სექტორის წარმომადგენლებს უნდა მიეწოდებოდეს.