შიდა ქართლი. 15 თებერვალს საზოგადოება „ბილიკში" მედიასკოლა გაიხსნა. სკოლის მიზანია სხვადასხვა მედია და საკომუნიკაციო საშუალებების სწავლების გზით მოსწავლეების ცნობიერების დონის გაზრდა, სამოქალაქო გააქტიურება და სამოქალაქო ინიციატივების ხელშეწყობა.

მედიასკოლაში სამი ძირითადი მიმართულების ჯგუფი შედგა – რადიო ჟურნალისტიკა, რომელსაც უხელმძღვანელებს გოგა აფციაური, სატელევიზიო ჟურნალისტიკა – ნინო ბოლაშვილი და საგაზეთო ჟურნალისტიკა – ნინო ჩიბჩიური.

მედიასკოლის მსმენელებს გადაეცათ სკოლაში ჩართვის სერტიფიკატები.

მედიასკოლა ხორციელდება სამოქალაქო განათლებისა და პედაგოგთა გადამზადების პროგრამის ფარგლებში, რომელსაც ახორციელებს ორგანიზაცია PH International აშშ –ს საერთაშორისო განვითარების სააგენტოს (USAID) დაფინანსებით.

წყარო:ორგანიზაციის გვერდი სოციალურ ქსელში