„სამართალდამცავთა დაცვის ლიგა“ კინოს სახლში განვითარებულ მოვლენებზე
თბილისი. არასამთავრობო ორგანიზაცია „სამართალდამცავთა დაცვის ლიგამ" განცხადება გაავრცელა. ორგანიზაცია „გმობს კინოს სახლში გამართული ფილმის ჩვენებაზე, ევრაზიული ინსტიტუტის წევრების მიერ, აგვისტოს ომში დაღუპული რუსი ჯარისკაცებისთვის ფეხზე წამოდგომით პატივის მიგებას. ამით, იქ მყოფებმა შეურაცხყოფა მიაყენეს, აგვისტოს ომში დაღუპულ თითოეულ ქართველის ხსოვნას. ...მთელი სიმკაცრით ვგმობთ ყოველგვარ რუსულ, მონღოლურ თუ ყირგიზულ ალიანსში საქართველოს შეყვანის მცდელობას და ვთხოვთ ხელისუფლებას, გააზრებული მოქმედებებით, მოსალოდნელი საფრთხეების თავიდან აცილებას და ევროპულ სივრცეში ქვეყნის დროულ გაწევრიანებას", ნათქვამია განცხადებაში.
წყარო:ორგანიზაციის გვერდი სოციალურ ქსელში
