თბილისი. საქართველოს ადვოკატთა ასოციაციამ ორგანიზაციის თავმჯდომარის განცხადება გაავრცელა. განცხადებაში საუბარია შინაგან საქმეთა სამინისტროს მიერ გავრცელებულ ინფორმაციაზე, რომლის მიხედვითაც „შინაგან საქმეთა სამინისტროს ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო ღონისძიებების შედეგად დიდი ოდენობით თაღლითობის ფაქტზე საქართველოს ადვოკატთა ასოციაციის წევრი, ადვოკატი მალხაზ შვიდბიჭაშვილი დაკავეს". საქართველოს ადვოკატთა ასოციაცია განმარტავს, რომ „მალხაზ შვიდბიჭაშვილი არ არის საქართველოს ადვოკატთა ასოციაციის წევრი".

წყარო:ორგანიზაციის გვერდი სოციალურ ქსელში