„გოუ ჯგუფი“ ფინელ ჟურნალისტებს მასპინძლობს
თბილისი. არასამთავრობო ორგანიზაცია „გოუ ჯგუფი" ახალგაზრდა ფინელ ჟურნალისტებს მასპინძლობს. ამ პროგრამის ფარგლებში ჟურნალისტიკის ფაკულტეტის სტუდენტებმა მოინახულეს გორი, ერგნეთი და კარალეთი, სადაც ადგილობრივ მოსახლეობას და არასამთავრობო ორგანიზაციებს შეხვდნენ.
სასწავლო ვიზიტის მსვლელობისას ჟურნალისტებს უტარდებათ ტრენინგი კონფლიქტის ანალიზსა და გაშუქებაში. პროექტში 20 სტუდენტი მონაწილეობს, ისინი უკვე მუშაობენ საკუთარ სტატიებსა და ფოტორეპორტაჟებზე.
სასწავლო ვიზიტი ორგანიზებულია ფინეთის მედიის განვითარების ფონდის Vikes და HaagaHelia უნივერსიტეტის მიერ, რომელსაც მხარს უჭერს ფონდი HelsinginSanomat.
წყარო: ორგანიზაციის ვებგვერდი სოციალურ ქსელში
