თბილისი. საქართველოს ჟურნალისტური ეთიკის ქარტიამ გაზეთ „ასავალ-დასავალის" წინააღმდეგ საქართველოს პენ-ცენტრის განცხადება ნაწილობრივ დააკმაყოფილა. საბჭომ პენ-ცენტრის განცხადება 6 აპრილს განიხილა. ქარტიის საბჭოს გადაწყვეტილებით, გაზეთმა მწერალ ზურაბ ქარუმიძის შესახებ გამოქვეყნებული მასალებით ქარტიის 1-ლი, მე-7 და მე-11 დებულებები დაარღვია. ამ პრინციპების თანახმად, ჟურნალისტმა პატივი უნდა სცეს სიმართლეს და საზოგადოების უფლებას – მიიღოს ზუსტი ინფორმაცია, ფაქტი განზრახ არ უნდა დაამახინჯოს, ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად, არ გააღვივოს შუღლი და არ მოუწოდოს ძალადობისკენ.

წყარო: media.ge