თბილისი. 26 სექტემბერს ,,სამართლიანი არჩევნებისა და დემოკრატიის საერთაშორისო საზოგადოებამ’’ ხმების პარალელური დათვლის სიმულაცია ჩაატარა. სიმულაცია ერთი საათის განმავლობაში მიმდინარეობდა.  დამკვირვებელთა 97 პროცენტმა ანგარიშგება წარმატებულად განახორციელა. 2012 წლის საპარლამენტო არჩევნებზე ორგანიზაცია ხმების პარალელურ დათვლას განახორციელებს, რაც გულისხმობს არჩევნების დღეს შემთხვევით შერჩეული უბნებიდან ხარისხობრივი და რაოდენობრივი ინფორმაციის შეგროვებასა და ანალიზს. 

სიმულაცია ,,სამართლიანი არჩევნების’’ მისიის წინასაარჩევნო მომზადების ნაწილია და მიზნად ისახავდა დამკვირვებლების, ცენტრალური ოფისის ოპერატორების, მონაცემთა ბაზისა და კომუნიკაციის სისტემის გამოცდას. 

წყარო: isfed.ge