დისკუსიები – „ქალაქგანვითარების მწვანე განზომილება“
ბიოლის ფონდი აპრილის თვეში საქართველოსთვის მეტად აქტუალურ ქალაქგანვითარების საკითხებზე იწყებს დისკუსიებს.
„ადგილობრივი თვითმმართველობის მოახლოვებული არჩევნების ფონზე ეს აქტუალობა კიდევ უფრო თვალშისაცემია. თვითმმართველი ქალაქები მეტ უფლებებს მიიღებენ იმაზე თუ როგორ უნდა განვითარდნენ. სწორედ ამიტომ, ბიოლის ფონდმა ამ თემით გააერთიანა თავისი სადებატო სივრცეები ქუთაისში, თბილისში და ბათუმში", ნათქვამია ორგანიზაციის ვებგვერდზე სოციალურ ქსელში.
„ქალაქგანვითარების მწვანე განზომილებაზე" 11 აპრილს ქუთაისში იმსჯელეს, 16 აპრილს თბილისში გაიმართება დისკუსია, ხოლო 17 აპრილს - ბათუმში.
წყარო: ბიოლის ფონდი
