კახეთი. სათემო განვითრების ცენტრ „აისის" ბაზაზე მოქმედმა ,,ქალთა საბჭომ" დაასრულა პროექტი სახელწოდებით - ,,ნაბიჯები უკეთესი მომავლისათვის’’, რომელიც დაფინანსდა ბავშვთა და ახალგაზრდობის განვითარების ფონდის მიერ.

პროექტის მიზანი იყო სოფლის მოსახლეობის ცნობიერების ამაღლება და მათში დასაქმებისათვის საჭირო უნარების განვითარება. პროექტის ფარგლებში ტრენინგები ჩაუტარდათ სხვადასხვა სამიზნე ჯგუფებს - შეისწავლეს თექაზე მუშაობა და კერვა, ჩაუტარდათ საქსოვ დაზგაზე მუშაობისა და სადურგლო კურსები. ჩატარდა ტრენინგი სოფლის მეურნეობის საკითხებზეც. აღნიშნული ხელსაქმის კურსის გავლის შემდეგ სამიზნე ჯგუფის წევრებს შეუძლიათ დამოუკიდებლად შექმნან ნამუშევრები და მოახდინონ მათი რეალიზაცია.