თბილისი. ადამიანის უფლებების სწავლებისა და მონიტორინგის ცენტრი ევროსაბჭოს მხარდაჭერით, ახორციელებს ხუთთვიან პროექტს „ქალი პოლიტიკოსების მხარდაჭერა ადგილობრივი თვითმმართველობის დონეზე".

პროექტის ფარგლებში, ადგილობრივი თვითმმართველობის არჩევნებში წარდგენილი 50 ქალი კანდიდატისთვის ჩატარდება ორი ტრენინგი საკითხებზე: ადგილობრივი თვითმმართველობის რეფორმა; საარჩევნო კამპანია და აგიტაცია; ადამიანთა უფლებები და ანტიდისკრიმინაციული სტანდარტები; საარჩევნო კამპანია და სოციალური მედია; ქალთა მოძრაობები, ფემინიზმი, გენდერული უთანასწორობის პრობლემები; და ქალთა სამოქალაქო და პოლიტიკური მონაწილეობა.

მომდევნო ეტაპზე, პროექტის ფარგლებში, შეიქმნება და საქართველოს მასშტაბით გავრცელდება სახელმძღვანელო ქალი კანდიდატებისათვის.

წყარო: emc.org.ge