კახეთი. ჰაინრიჰ ბიოლის ფონდი აგრძელებს საჯარო ლექციების ციკლს თელავში. თელავის მედია კაფეში საჯარო ლექცია სახელწოდებით „ვის ეშინია საბედისწერო ქალის" გაიმართა.

თეო ხატიაშვილი, კინომცოდნე: ,,პროექტის საერთო სახელწოდებაა „ვის ეშინია ფემინიზმის საქართველოში". საჯარო ლექციების მიზანია თანასწორობის იდეის შესახებ ცნობიერების ამაღლება. დღევანდელ ლექციაზე მიმოვიხილეთ ე.წ. საბედისწერო ქალი, როგორც მძლავრი არქეტიპული სახის, ჩამოყალიბების ისტორია, რომელიც კინოში (განსაკუთრებით, კლასიკური პერიოდის ჰოლივუდში) ერთ–ერთი ყველაზე პოპულარული სახე გახდება. ასევე, რა თვისებები ახასიათებს მას და პატრიარქალურ კულტურაში ჩამალულ რა ფობიებს გამოავლენს. აღნიშნულ საკითხებზე რამდენიმე ფილმის, ფრაგმენტების მაგალითზე განვიხილეთ".