IDFI თანამდებობრივი სარგოებისა და პრემირების გაცემის ერთიანი წესის შესახებ
თბილისი. ინფორმაციის თავისუფლების განვითარების ინსტიტუტმა თანამდებობრივი სარგოებისა და პრემიების გაცემის ერთიან წესთან დაკავშირებით განცხადება გაავრცელა. „როგორც 2014 წლის 19 მაისს მთავრობის კანცელარიაში გამართულ ბრიფინგზე გახდა ცნობილი საქართველოს პრემიერ-მინისტრის ირაკლი ღარიბაშვილის დავალებით, მთავრობა თანამდებობრივი სარგოებისა და პრემირების ერთიან წესს შეიმუშავებს. ...IDFI მიესალმება აღნიშნულ საკითხთან დაკავშირებით დაგეგმილ ცვლილებებს. ... ინსტიტუტის აზრით, კანონმდებლობით უნდა განისაზღვროს საჯარო მოხელეებისათვის პრემიის მინიჭების წესი, პრემიის მინიჭების კრიტერიუმები და პრემიის ოდენობის ფარგლები, საჯარო მოხელეთა თანამდებობრივი ანაზღაურება საჯარო მოხელეთა თანამდებობრივი რანგირების მიხედვით და საჯარო სამსახურში შრომითი კანონმდებლობის საფუძველზე დასაქმებული პირების ფინანსური გარანტიები", ნათქვამია განცხადებაში.
წყარო: idfi.ge
