ასოციაცია „ვეჟინის“ საარჩევნო პროექტი
კახეთი. ასოციაცია „ვეჟინის" აღმასრულებელმა დირექტორმა ლაურა ხარიტონაშვილმა, გურჯაანში, გუშინ, კახეთის საინფორმაციო ცენტრის პრესკლუბში, პრესკონფერენცია გამართა. შეხვედრას ესწრებოდნენ არასამთავრობო სექტორის წარმომადგენლები, ჟურნალისტები და დაინტერესებული ახალგაზრდები. ,,ვეჟინის" წარმომადგენლებმა შეხვედრაზე იმ პროექტის შესახებ ისაუბრეს, რომელსაც ორგანიზაცია საარჩევნოდ ახორციელებს.
საარჩევნო პროექტის მიზანი ხელი შეუწყოს კახეთის რეგიონში მცხოვრები სხვადასხვა რელიგიისა და ეთნიკური წარმომავლობის ახალგაზრდა ქალების სამოქალაქო აქტივობისთვის უნარ–ჩვევების ჩამოყალიბებას და ადგილობრივი თვითმმართველობის არჩევნებში მათ აქტიურ ჩართვას, განაცხადა ლაურა ხარიტონაშვილმა.
