„ეს შენ გეხება – ისევ გვისმენენ“ - განცხადება
თბილისი. კამპანიაში „ეს შენ გეხება – ისევ გვისმენენ" ჩართული საზოგადოებრივი ორგანიზაციები განცხადებას ავრცელებენ. „დღეს პარლამენტი რიგგარეშე პლენარულ სხდომაზე პირველი მოსმენით კენჭს უყრის „საქართველოს სისხლის სამართლის საპროცესო კოდექსში" შესატანი ცვლილებების პაკეტს – ზვიად ქორიძის, ლაშა ტუღუშის, შალვა შავგულიძისა და ლიკა საჯაიას ავტორობით შემუშავებულ საკანონმდებლო ინიციატივას, რომელიც ფარულ მიყურადების მარეგულირებელი კანონმდებლობის რეფორმირებას ისახავს მიზნად. შეგახსენებთ, რომ ეს ინიციატივა კენჭისყრაზე 16 მაისს იყო წარდგენილი, თუმცა კვორუმის არარსებობის გამო მისი მიღება ვერ მოხერხდა".
ორგანიზაციებმა იმ დეპუტატების სია გამოაქვეყნეს, რომელთა არყოფნის გამოც ვერ მოხერხდა 16 მაისს საარჩევნო არდადეგებამდე გამართულ ბოლო სხდომაზე კვორუმის შეგროვება.
წყარო: esshengexeba.ge
