საიას განცხადება ზუგდიდში მომხდარ ინციდენტზე
თბილისი. საქართველოს ახალგაზრდა იურისტთა ასოციაციამ განცხადება გაავრცელა. „შეშფოთებას გამოვთქვამთ 6 ივნისს, ზუგდიდში მომხდარი ფიზიკური დაპირისპირების გამო და კიდევ ერთხელ მოვუწოდებთ ყველა მოქალაქეს უარი თქვან ძალადობაზე. მედიით გავრცელებული ინფორმაციის თანახმად, 6 ივნისს, დღის მეორე ნახევარში ნაციონალური მოძრაობის საარჩევნო შტაბის წინ გაუჩინარებული თავდაცვის სამინისტროს დაზვერვის ოფიცრის პაატა ქარდავას ოჯახის წევრებმა და ათეულობით მოქალაქემ აქცია გამართეს. ...აქცია ფიზიკურ დაპირისპირებაში გადაიზარდა. ....მოვუწოდებთ სამართალდამცავ ორგანოებს - სწრაფად და ეფექტურად გამოიძიონ მომხდარი და შესაბამისი პასუხისმგებლობა დააკისრონ დაპირისპირების წამომწყებ და კონფლიქტში ჩართულ პირებს", ნათქვამია ორგანიზაციის გვერდზე.
წყარო: gyla.ge
