აჭარა. საზოგადოებრივი ორგანიზაციის „ახალგაზრდა მოქალაქის" ინიციატივით, შეზღუდული შესაძლებლობის მქონე რამინ მაჭარაშვილმა აჭარის ჯანდაცვის მინისტრის პორტფელი ერთი დღით ჩაიბარა. მან სამუშაო დღე განცხადებების განხილვით დაიწყო, შემდეგ კი სამედიცინო ობიექტები მოინახულა.
აღნიშნული განხორციელდა ორგანიზაცია „ახალგაზრდა მოქალაქის" პროექტის – „შეზღუდული შესაძლებლობის მქონე პირები მოქმედებაში" – ფარგლებში. პროექტის მიზანია შშმ პირების საზოგადოებაში ინკლუზიის ხელშეწყობა.