სამცხე–ჯავახეთი. როგორ უნდა მოიქცეს ამომრჩეველი არჩევნებზე – ამ ინფორმაციის შემცველი, ქართულ და სომხურ ენაზე დაბეჭდილი ბუკლეტები ახალციხელებს დაურიგეს.
საინფორმაციო კამპანია პროექტის „ქალთა გაძლიერება თანასწორი მონაწილეობისთვის" ფარგლებში ჩატარდა, რომელსაც ასოციაცია „ქალი და განვითარება" ახორციელებს. პროექტის მიზანია ქალების აქტიური ჩართვა საარჩევნო პროცესებში. კამპანია არჩევნების შესახებ მოსახლეობის ინფორმირების მიზნით ჩატარდა. ბუკლეტები საარჩევნო სისტემის განვითარების, რეფორმებისა და სწავლების ცენტრის დაფინანსებით დაიბეჭდა.