NED–ის წარმომადგენელი არასამთავრობო სექტორთან მართავს შეხვედრებს
შიდა ქართლი. ამერიკული დონორი ორგანიზაციის –„ეროვნული წვლილი დემოკრატიისათვის" (NED) – ევრაზიის მიმართულების პროგრამების ოფიცერი მარტა ბერდი საქართველოში იმყოფება. იგი მართავს შეხვედრებს რეგიონალური არასამთავრობო ორგანიზაციების, მედიის და პოლიტიკური პარტიების წარმომადგენლებთან. მარტა ბერდმა 12 ივნისს გორში გამართა შეხვედრა, სადაც საუბარი შეეხო საარჩევნო გარემოს, საზოგადოებრივი ორგანიზაციების როლს ქვეყნის განვითარებაში, და ასევე, დონორების სამომავლო პოლიტიკას სამოქალაქო სექტორის განვითარებისთვის საქართველოში.
