თბილისი. საქართველოს სახალხო დამცველი მიესალმება საქართველოს იუსტიციის მინისტრის მიერ საქართველოს სახელით „ქალთა წინააღმდეგ ძალადობისა და ოჯახში ძალადობის აღკვეთისა და პრევენციის შესახებ" ევროპის საბჭოს 2011 წლის კონვენციის ხელმოწერას. იგი მიიჩნევს, რომ „აღნიშნული კიდევ ერთი წინ გადადგმული ნაბიჯია ქალთა მიმართ ძალადობის წინააღმდეგ ბრძოლაში. მითუმეტეს, რომ ბოლო დროს გამოვლენილმა ძალადობის ფაქტებმა ცხადყო სახელმწიფოს მხრიდან რეაგირებისა და დამატებითი  მექანიზმების არსებობის აუცილებლობა. ასევე მნიშვნელოვანია, რომ საზოგადოებამ უკეთესად გააცნობიეროს არსებული პრობლემები და მეტად ჩაერთოს მათ გადაწყვეტაში", ნათქვამია 20 ივნისს სახალხო დამცველის მიერ გავრცელებულ განცხადებაში.

წყარო: ombudsman.ge