თბილისი. ადამიანის უფლებების სწავლებისა და მონიტორინგის ცენტრმა თერჯოლაში გამოვლენილი რელიგიური დაპირისპირების სამართლებრივი ანალიზი გამოაქვეყნა. „თვითმმართველობის არჩევნებამდე რამდენიმე დღით ადრე, ქალაქ თერჯოლაში, ადგილობრივმა მართლმადიდებელმა ქრისტიანებმა, სასულიერო პირების წინამძღოლობით, იეჰოვას მოწმეების მიერ რელიგიური შეკრების ადგილის მშენებლობა გააპროტესტეს. ადგილობრივმა ხელისუფლებამ, საქართველოში, ადრე გამოვლენილი სხვა რელიგიური კონფლიქტების მსგავსად, არაკეთილსინდისიერი ლოიალობა გამოავლინა უმრავლესობის მიმართ და კანონის მოთხოვნათა დაცვით მიმდინარე მშენებლობა უკანონო და დაუსაბუთებელი გადაწყვეტილებით შეაჩერა. ... პოლიტიკურად მწვავე პერიოდებში, დომინანტი რელიგიური ჯგუფისა და სასულიერო პირების მხრიდან, რელიგიური ძალადობის გამოვლინება ერთგვარ ტენდენციად ჩამოყალიბდა".

წყარო: emc.org.ge