საია წამების მსხვერპლთა დაცვის საერთაშორისო დღესთან დაკავშირებით
თბილისი. საქართველოს ახალგაზრდა იურისტთა ასოციაციამ წამების მსხვერპლთა დაცვის საერთაშორისო დღესთან დაკავშირებით განცხადება გაავრცელა. „ასოციაცია გამოხატავს სოლიდარობას წამების მსხვერპლთა მიმართ და მოუწოდებს სახელმწიფოს, გადადგას ეფექტური ნაბიჯები მსხვერპლთა უფლებების აღდგენისა, წამების ეფექტური პრევენციისა და დამნაშავეთა გასამართლების მიზნით. ... სახელმწიფოს ეკისრება განსაკუთრებული ვალდებულება, მიიღოს ყველა საჭირო ზომა, რათა მოახდინოს წამებისა და არაადამიანური მოპყრობის პრევენცია, მათ შორის დახურული და ნახევრად დახურული დაწესებულებების სისტემატური და ეფექტური მონიტორინგის გზით, ხოლო დანაშაულის ჩადენის შემთხვევაში - გაასამართლოს და ადეკვატური სასჯელი მიუსაჯოს დამნაშავეს, ასევე უზრუნველყოს მსხვერპლი მისი რეაბილიტაციისათვის საჭირო ფსიქოლოგიური და სხვა სახის დახმარებით", ნათქვამია განცხადებაში.
წყარო: gyla.ge
