არასამთავრობო ორგანიზაციების მედიაცენტრი მუშაობას ანახლებს
თბილისი. 29 ივნისს, არასამთავრობო ორგანიზაციების წარმომადგენლები მედიაცენტრში ჟურნალისტებს ინფორმაციას მიაწვდიან არჩევნების მიმდინარეობის შესახებ. ცენტრალური საარჩევნო კომისიის გადაწყვეტილებით, 29 ივნისს 14 საარჩევნო უბანზე თვითმმართველობის არჩევნების განმეორებითი კენჭისყრა გაიმართება. არჩევნების მიმდინარეობას ამ უბნებზე დააკვირდებიან არასამთავრობო ორგანიზაციები: „სამართლიანი არჩევნებისა და დემოკრატიის საერთაშორისო საზოგადოება", „საქართველოს ახალგაზრდა იურისტთა ასოციაცია", „განვითარებისა და დემოკრატიის ცენტრი", „მრავალეროვანი საქართველო".
29 ივნისს მედიაცენტრში გაიმართება 7 ბრიფინგი.
წყარო: ორგანიზაციის გვერდი სოციალურ ქსელში
