საარჩევნო გარემოს განვითარების ცენტრი, 29 ივნისს, განმეორებით არჩევნებს აკვირდებოდა
თბილისი. საარჩევნო გარემოს განვითარების ცენტრმა 2014 წლის 29 ივნისის ადგილობრივი თვითმმართველობის განმეორებითი არჩევნების მონიტორინგი ცხრავე საარჩევნო ოლქში თოთხმეტივე საარჩევნო უბანზე განახორციელა. დამკვირვებლები საარჩევნო პროცესს აკვირდებოდნენ, როგორც საარჩევნო უბნებზე ასევე შესაბამის საოლქო საარჩევნო კომისიებში.
დამკვირვებლების მიერ მოწოდებული ინფორმაციით, საარჩევნო უბნების გახსნის, ხმის მიცემის, ხმის დათვლისა და შედეგების შეჯამების პროცესი მიმდინარეობდა მშვიდად და ორგანიზებულად. დაფიქსირდა მცირე ხარვეზები, რომელზეც საარჩევნო კომისიამ შესაბამისი რეაგირება მოახდინა. მთლიანობაში არჩევნების დღეს მნიშვნელოვან დარღვევებს ადგილი არ ჰქონია.
წყარო: საარჩევნო გარემოს განვითარების ცენტრი
