აჭარა. 2 ივლისს, ბათუმის დემოკრატიული ჩართულობის ცენტრში – „ერთი დღე შესაძლებლობებისთვის" – შეზღუდული შესაძლებლობების მქონე პირთა უნარ-ჩვევების წარმოსაჩენად გამოფენა მოეწყო. გამოფენაზე ბათუმის მეექვსე ფიზიკა-მათემატიკური სკოლის ინკლუზიური ჯგუფის მოსწავლეების 20- მდე ნამუშევარი იყო წარმოდგენილი. გამოფენისა და ფილმის ჩვენების პარალელურად ნაჩვენები იყო ფოტოკოლაჟი სახელით „დაფიქრდი სად აჩერებთ". აქტივობის მიზანს მძღოლებისათვის პარკირების წესების დაცვის შეხსენება წარმოადგენდა. აქტივობები ახალგაზრდული ორგანიზაცია „ცვლილებები თანაბარი უფლებებისათვის" ორგანიზებით განხორციელდა.