კახეთი. სამოქალაქო საზოგადოების ინსტიტუტმა, რეგიონული ტურნეს ფარგლებში, 9 ივლისს, თელავში, საზოგადოებრივი ორგანიზაციების განვითარების სახელმწიფო მხარდაჭერის კონცეფციის დოკუმენტის სამუშაო ვერსიის პრეზენტაცია-განხილვა მოაწყო.
საზოგადოებრივი ორგანიზაციების განვითარების სახელმწიფო კონცეფციის მიზანია ხელი შეუწყოს სამოქალაქო საზოგადოების გაძლიერების მექანიზმების ჩამოყალიბებას, საზოგადოების წინაშე არსებული გამოწვევების ერთობლივი დაძლევის მიზნით.
პრეზენტაცია-განხილვას დაესწრნენ კახეთში მოქმედი არასამთავრობო ორგანიზაციების წარმომადგენლები.
სამოქალაქო საზოგადოების ინსტიტუტი კონცეფციის დოკუმენტის განხილვას გორში, ახალციხეში, ქუთაისში, ზუგდიდში, ოზურგეთსა და ბათუმში გამართავს.