იმერეთი. არასამთავრობო ორგანიზაციის „ადამიანი გაჭირვებაში" წარმომადგენლები და ჩეხეთის განვითარების სააგენტოს ხელმძღვანელი, იმერეთის სამხარეო ადმინისტრაციის წარმომადგენლებს შეხვდნენ.

შეხვედრის მიზანი იმ პროექტების განხილვა იყო, რომლებიც იმერეთის რეგიონში განხორციელდება. კერძოდ, საუბარია სოფლის მეურნეობის სფეროს განვითარებაზე, ასევე შეზღუდული შესაძლებლობის მქონე პირებისა და სოციალურად დაუცველი მოსახლეობის დახმარებაზე. „იგეგმება არაერთი საგრანტო პროექტის განხორციელება იმერეთის რეგიონში, მათი ნაწილი უკვე დაწყებულია და გაგრძელდება 2017 წლამდე." - აღნიშნა იმერეთის ვიცე-გუბერნატორმა, სალომე იობიძემ.