თბილისი. ჟურნალისტური ეთიკის ქარტიის საბჭო ეხმაურება „რუსთავი 2-ის" გადაცემა „სხვა შუადღის" ფრაგმენტს, რომელშიც წამყვანები დონეცკთან ახლოს მომხდარ ავიაკატასტროფაზე საუბრობდნენ, კერძოდ, წამყვან დიმიტრი ობოლაძის კომენტარს. „ქარტიის საბჭო მიიჩნევს, რომ მომხდარი ტრაგედიის გამო წამყვანის ემოცია შესაძლოა, გასაგები იყოს, თუმცა მსგავსი ფორმით მისი გამოხატვა სატელევიზიო ეთერით მიუღებელია. საბჭო წამყვანის გამონათქვამს აფასებს, როგორც სიძულვილის ენას, ქსენოფობიურს და განმარტავს, რომ მსგავსი გამონათქვამებით მაუწყებელი არღვევს როგორც კანონს მაუწყებლობის შესახებ, ისე მაუწყებელთა ქცევის კოდექსს და საერთაშორისოდ აღიარებულ პროფესიულ სტანდარტებს", ნათქვამია ორგანიზაციის გვერდზე.

წყარო: qartia.org.ge