თბილისი. ინფორმაციის თავისუფლების განვითარების ინსტიტუტმა თანამდებობიდან განთავისუფლებული მინისტრების უწყებებში ინფორმაციის ხელმისაწვდომობის შესახებ განცხადება გაავრცელა. „გვსურს აღვნიშნოთ, რომ თანამდებობიდან განთავისუფლებული მინისტრების უმეტესობის ხელმძღვანელობით სამინისტროებმა განიცადეს მნიშვნელოვანი პროგრესი ინფორმაციის ხელმისაწვდომობისა და გამჭვირვალობის თვალსაზრისით. ...IDFI გამოთქვამს იმედს, რომ ის ახალი მინისტრები, რომლებიც დაინიშნებიან აღნიშნული უწყებების ხელმძღვანელებად, გააგრძელებენ საჯარო ინფორმაციის ხელმისაწვდომობის საუკეთესო პრაქტიკას და გამჭვირვალე და ღია მმართველობა იქნება მათი საქმიანობის ერთ-ერთი მთავარი პრიორიტეტი", ნათქვამია ორგანიზაციის ვებ-გვერდზე.

წყარო: idfi.ge