თბილისი. ინფორმაციის თავისუფლების განვითარების ინსტიტუტმა 2013 წელს სამინისტროების მიერ ჩანაცვლებული ავტომობილებისა და ტექნიკური მომსახურების ხარჯების შესახებ ინფორმაცია გამოაქვეყნა. „2014 წლის იანვარში IDFI - იმ ყველა სამინისტროს მიმართა იმ ავტოსატრანსპორტო საშუალებებისა და კომპიუტერული ტექნიკის სიის მოთხოვნით, რომელიც სახელმწიფო შესყიდვების მოქმედი კანონმდებლობით ახალი, იმავე ან გაუმჯობესებული პარამეტრების მქონე ერთი ან ერთზე მეტი ავტოსატრანსპორტო საშუალებით, კომპიუტერული ტექნიკით ჩანაცვლდა. აღნიშნული მოთხოვნა უპასუხოდ დატოვა მხოლოდ საქართველოს შინაგან საქმეთა სამინისტრომ. როგორც სხვა სამინისტროებიდან მიღებული დოკუმენტაციით ირკვევა 2013 წელს ავტოსატრანსპორტო საშუალებების ჩანაცვლებას ადგილი ჰქონდა მხოლოდ ხუთ სამინისტროში", ნათქვამია ორგანიზაციის გვერდზე.

წყარო: idfi.ge