საია „სახელმწიფო საიდუმლოების შესახებ“ ახალი კანონის პროექტის შესახებ
თბილისი. საქართველოს ახალგაზრდა იურისტთა ასოციაციამ „სახელმწიფო საიდუმლოების შესახებ" ახალი კანონის პროექტის შესახებ განცხადება გაავრცელა. „აღსანიშნავია, რომ წარმოდგენილი ინიციატივა ვერ პასუხობს არსებულ გამოწვევებს და ვერ უზრუნველყოფს დასახული მიზნის - სახელმწიფო საიდუმლოების მარეგულირებელი ნორმების საერთაშორისო სტანდარტებთან შესაბამისობის მიღწევას. ამავდროულად აღსანიშნავია, რომ დღეს, როდესაც სახელმწიფო აქტიურად მუშაობს ახალ ინფორმაციის თავისუფლების კანონზე, გამართლებულად არ მიგვაჩნია ამ პროცესის წინმსწრებად „სახელმწიფო საიდუმლოების შესახებ" კანონის მიღება", ნათქვამია განცხადებაში.
წყარო: gyla.ge
